พี่น้องเอ้ย...........
ม่วนเด้น้อ...ฟังเสียงแคน เมืองอีสานดังจ้าว
ดังมาเสียงยาวๆ ออนซอนเด้น้องพี่
เป่ามาหลายร้อยปี เป่ามาแต่พอศอใด๋บ่รู้
ผู้ใด๋เริ่มเป่าแคน เพิ่นว่าแต่ก่อนกี้
มีท้าวก่ำกาดำ ไปเล่นสาวลุน เป่าไปแคนน้อย
กาดำเป่าลายสร้อย สุดสะแนนแล่นแตร่
ก่อนหรือว่าหลัง พุทธกาลหละคุณแม่
ตอนนี้ยังบ่ฮู้ บ่อนใด๋แท้แน่นอน
ฟังเสียงแคนแล้ว มาอยากลุกฟ้อน
ออนซอนสังม่วน นวลหูเด้น้อ
หลายสมัยหลายครู เด้อหมู่หมอแคนเอ้ย
เป่าทั้งยาวทั้งเต้ย สีพันดรจ้อนเข้าใส่
เป็นจั่งใด๋หละพ่อใหญ่ ม่วนหัวใจแน่บ่น้อ...พ่อแม่เอ๋ย
